'o scarrafone

 '0 SCARRAFONE

Quanno passo annanz’a munnezza

e te veco ‘o scarrafone,

me fa’ tanta ribrezzo

ca me vene ‘a voglia r’ò schiattà.

Quase, quase mo’ aizo ‘o pero,

e cu’ forza ho voglio scarpisà,

tanto quann’arrivo a casa

‘ngopp’à ll’evere ro’ ciardino,

‘a meza sola me l’aggia ‘mbruscinà.

Chillo appizz’antenne e pare ‘e ricere:

“Ammiezz’à tutta sta’ munnezza,

proprio cu’ mme t’ha vuo’ piglià.

Sient’à mme, vattenne a casa

e ‘a munnezza lassala sta’.

Rint’à munnezza ‘nge stammo

‘nu pucurille tutte quante.

Chisto pe’ me è ‘nu ristorante:

si ho chiureno addò vaco a magnà?”

Catello Nastro