Chiù 'e rircianne

CCHIU’  ‘ E RIECIANNE

Songo cchiù ‘e ricianne

ca’ navigo ‘ngoppa interette,

 ma nunn’ho saccio cchiù

pe’ ‘nu futuro ggià arrivato,

proprio comme se mette.

‘A memoria d’ò compiuterre è bbona assaje:

mai ch’avesse rifiutato

‘na recensione o ‘na poesia mia:

sia in italiano, oppure in cilentano

o nel nobbilo  dialetto napolitano.

Aggià n’aggio cagnate ‘na ricina

‘e chist’aggeggi ca’ fanno ‘o munno cchiù vicino.

Ma ‘o computerre se po’ cagnà,

ma ‘nu cerviello viecchio e cunzumato

cu’ tutt’à tecnologia che sta qui,

disgraziatamente nun se po’ sostituì.

‘Nge vulesse ‘nu tecnico speciale

pe’ cagnà a situazione, cioè ‘o Pataterno.

Ma chillo aggià è impignato

cu’ Grillo E Berluscone,

e certamente nun po’ penzà a me,

ca’ songo ‘nu bravo guaglione.

Aggia tirà annanze cumm’à ‘nu ciuccio pa’ sagliuta,

e m’aggia accuntentà ‘e fa ‘nu pass a vota,

cercanno ‘e nun care’ dint’à scarpata,

speranno nel mondo divino,

‘e ripurtà dduje sacche ‘e grano d’o mulino.

Catello Nastro